 |
Willkommen auf der Homepage
des Komedi
und seinem Team
|
 |
|
|
|
|
Der Komedi 2017
|
|
| Vers 1 | |
 |
Also be eusem Komedi Team do esch es hür eso d`Erna und au d`Liselotte die sind höt ne do sie händ gfunde das si das Johr Ferie nötig heige drumm duet für einmol d`Silvia eusi Helge zeige |
| Vers 2 | |
 |
De Andreas Glarner und de Cedric Wermuth hergottsackeremänt die send fang fasch jede Tag e de Medie presänt jo also so hüffig wed die 2 chasch em Fernseh gseh chöntsch fasch meine die währe verwandt met em Sven Epiney
|
| Vers 3 | |
 |
Wo sech de King Roger z`Australie unde duet zum Sieger küüre hani dänkt e sim Alter duet de jetzt no sin 3. Frühling gspüüre gsesch denn hingäge de Ammann Simi hüpfe über de Schanzetesch jo do chasch nomme hoffe das es sin letschte Winter esch
|
| Vers 4 | |
 |
Jetzt esch es au em Aargau sowit duet eus d`AZ informiere d`Stadt Bade wot schiends de erschti Bletzer e eusem Kanton montiere jo also wenner mech froged tüend die send doch ned ganz Bache jä wot den de Geri Müller jetzt au no em Auto Selfis mache
|
| Vers 5 | |
 |
D`Brugger Zwäsi Gugge ich fends schad die dut nümm äxistiere und d`Konfettispalter die düend de Latärnliumzug eliminiere also wenn z`Brugg d`Fasnacht no witer schrumpft jo den chönntis passiere das die statt met Schinznach-Bad met eus Riniker wänd fusioniere |
| Vers 6 | |
 |
Sed em 9. Novämber bes jetzt duet mech nor ei Frog quäle wie händ die z`Amerika nor de Donald Trump chönne wähle los Donald do no en guete Rot vo eim os de Nöchi vo Brugg nem der es Biespel am Grossrot Schlatter ond trett nach 4 Johr weder zrugg
|
| Vers 7 | |
 |
Es Loch es Loch es Loch es Loch es Loch e huffe Löcher gli bohrt d`Nagra do er Region Löcher noch und nöcher be eus z`Rinike send si scho fliessig am grabe d`IG Bözbärg ohni Bohrturm gseht rot do meint de Salm André los bliebed cool das get doch nor es paar Biotop
|
| Vers 8 | |
 |
Met mim Hund gassi go am neue Leewäg esch wie ne schlemme Traum e gschlagni Stund semmer onderwägs und mer send fang bem 3. Baum los Bäri hanni zu mim Liebling gseit er setzt grad en chline Huufe also bes du alli Bäum dore hesch gang ich ed Tannegg eis go suufe
|
| Vers 9 | |
 |
Jetzt wo das Asylantehus ändli euse esch freut sech de Gmeirot wie versässe doch das met de sanfte Renovation das chönd er grad vergässe jo händ er s`Gfüehl die z`Aarau düeged das Bougsuech akzeptiere wenn sie be eusem Waldhus ned emol an Abou tüend toleriere |
| Vers 10 | |
 |
Ab em April do gang ich de nome no be eus en Volg ue go poschte ond chaufe det de halb Lade leer egal was es duet choschte und met de huffe Volgmärkli wo das get du ich wot ned prahle duen ich den hende be de Poscht au no grad mini Rächnige zahle |
| Vers 11 | |
 |
Und zum Schluss darf ich euch no e tolli Mitteilig komuniziere das Johr müend er eus usnahmswies e mole nüt spändiere well eus em Komedi Team gots guet mir send alli gsund und zwäg gänd lieber dene arme Sieche öppis vo de Opere Schänkebärg |
| Vers 12 | |
 |
Ond jetzt ganz zum Schloss do wett ich no de Silvia gratuliere well Sie duet scho über 20. Johr eusi Helge kreiere do sie em Vorjohr ehres Jubiläum gschwänzt het esch es leider nötig ond ehres Gschänk das chonnt wie d`SBB jetz halt ächli met verspötig
|
| Zugabevers 1 | |
| Ohne Helgen |
Eine vo de Grüene e de Schwyz de het ganz e glättli Idee de wot e paar Johr of de Stross nor no Elektroautos gseh also losemol liebe Balthasar das esch doch gar ned praktikabel stell der vor das Gnosch wo das get met all de Verlängerigskabel |