Ihre Browserversion ist veraltet. Wir empfehlen, Ihren Browser auf die neueste Version zu aktualisieren.
 

Willkommen auf der Homepage

 

des Komedi

 

und seinem Team

 

 

 

 

 Der Komedi 2023

 

                           Helgen von 2005                                           Vers 1

 

 

35 Johr tuen ich scho mini Värsli ufsäge

und 35 Johr tuen ich dezue mini Chomeini Maske träge

und wer das als kulturelli aaeignig gseht jo dem antworti nome

esches denn gschieder weni s`nächsti Johr als Freyheitstrychler chome

 

 

 

 

   Vers 2

  

 

De Roger Federer het sin Rücktritt geh de Dario Cologna au

und jetzt seit au no de Beat Feuz nach de Renne in Kitzbühel tschau

nur ein Sportler gets be eus er Schwyz de ignoriert das Ganze

de Simon Ammann de springt secher no mit em Rolator über d`Schanze

 

 

 

   Vers 3

  

 

Also liebi Lüt vo de Sp Schwyz wenn er scho gen*dere müend

den verlange mer das er das au konsequänt awände tüend

und eus be de nächste Bundesrotswahl hoch und heilig chönd garantiere

das denne näb de Fraue au Manne und Es dörfed kandidiere

 

 

 

   Vers 4

  

 

Wie mer d`Schwyz e de Zuekonft met Strom versorgt wörde mer gärn erfahre

doch s`èinzig wo die z`Bärn uselönd esch das mer Strom söl spaare

jo fallt den dene nüt Bessers ie jo send den die ned klüger

aso die send öpe glich planlos underwägs wie de Berset mit sim Flüger

und de Clou 2 Tag bevor de Berset denn z`Frankrich het müesse lande

esch die Story vo sim Ufo scho em Bleck en gstande

 

 

 

   Vers 5

 

 

E de Region Schinznach Bad Birrfäld händ teil Lüt en riese Wuet

well mer dete us versehe es paar Stei zertrümmere tuet

mached doch kei Gschiess wäg dem Geowäg und düend en es Uebergwändli schlüffe

en Lastwage neh und ed Bärge fahre det lege so Stei a de Hüüfe

 

 

   Vers 6

 

 

Im Städtli Brugg do sölls scho gli Bänkli zum hocke geh

nor e de Altstadt wo fasch alles schloft do wette si öpis meh

det hätte si nämlech lieber Näschter das sig ehres Ziel

übrigens en Sponsor heige si scho

Grüezi Min Name esch Fischer vo de Fischer Bettwarefabrik Au Wädeswil

 

 

   Vers 7

 

 

 

Z`Rinike gets Lüt die händ keis Problem wenn de Bus of de Stross mues halte

und denn gets au no die Andere wod Busbochte wetted bhalte

und wemmer die Buchte ned stoh loh tüegi drohed eus die Säbe

da si derte os Protescht ehri Händ uf d`Stross ue chläbe

und wen das denn noni längt würde si eus garantiere

dass si vo de Oberdorfstross die 2 Pföste umplatziere

 

 

 

   Vers 8

 

Sid de letschte Gmeirotswahle es weisses jedes Chend

dass be eusere Riniker Regierig d`Fraue i de Mehrzahl send

heno jetzt esch es halt eso das schläckt kei Geiss ewäg

esch äch das de Grund wiso sech jetzt be eus d`SVP ufglöst hät

 

 

   Vers 9 

 

Liebe Gmeirot die Umfrog über eusi Zuekunft mer hätte fasch Freud dra gha

nur händ det leider d`Fäldli gfehlt womer achrüzle cha

drumm düend doch bitte s`nächsti mol das mers au alli tschegge

zu dem Frogeboge eifach no en Lottozeddel bielegge

 

 

   Vers 10

 

 

Wenn euse Volg den einisch züglet het met all sine 7 Sache

jo denn wörd ich den am alte Ort en Antiquitätelade mache

und wen mer den ganz aständig frogt darfsch d`Hoffnig nie verlüre

den wörd jo velech de Bsetzer vom Hersche sin Grümpel au bistüre

 

 

                           Helgen von 2020                                       Vers 11

 

 

S`letscht mol hämmer de Hayro no kritisiert well er kei Serviertochter het

und e de Zwüschezyt het er eini wo niemmer me misse wet

jo met der Andreea tuets er Tannegg em Service so rechtig fäge

ändli hämmer weder emol en Wirt wo macht was mer em tuet säge

 

 

          Zugabevers 1

 Ohne Helgen

 

40 Johr scho gets d`Opus-C-Voll 15 Johr di Senile

und wie gseit au ich tu scho 35 Johr a mine Värsli file

und well mer au scho über 20 Johr be de Erna dörfe d`Helge zeichne

wette mer si höt Zobe do met emme Gschänk uszeichne

 

 

 

          Zugabevers 2

 Ohne Helgen

 

Du Du Du Du Du Du Du Du Du Du Du Du

Du Du Du Du Du Du Du oder velech Du

Du Du Du Du Du Du Du ich sägs jetzt do ohni z`prahle

nach 35 Johr esch eus schiesegal wer eus eis duet zahle