 |
Willkommen auf der Homepage
des Komedi
und seinem Team
|
 |
|
|
|
|
Der Komedi 2014
|
|
|
Vers 1
|
|
| Ohne Helgen | Fänschter zu und d`Läde dunde e Kamera montiere
Sicherheit das eusi Värs nid chasch us spioniere ich Komedi ha scho dänkt das wird euch nid glinge ich ha alli uf em Handy söll ich si für euch singe |
| Vers 2 | |
 |
Ich ha zum Bondesrot Schneider Ammann gseit Johann wiso umsverecke
muesch du all dis schöne Fermegäld em Osland go verstecke es get doch au be eus er Schwyz Banke wo so Stüürdeals tätige ond wenn mer das ned glaube wotsch chaders d`Alice Schwarzer bestätige ond wenn euch do die Pointe ned passt müender ned de Hond of mech hetze denn chönnd er eifach d`Alice Schwarzer dor de Ueli Höhnes ersetze
|
| Vers 3 | |
 |
Tämpo 80 of der Autobahn d`Vignette 100 Franke
und jetze no 15 Rappe meh wend s`Auto wotsch go tanke jo de Doris Leuthard ehri Idee hani so dänkt em setze send öppe glich originell wie em Tschäppät sini Wetze
|
| Vers 4 | |
 |
11 Plämpel hets a de Olympische Speel för eusi Schwyzer geh
ond wend Hockeyfraue einzeln zelsch den wäres no vell meh jetzt womer so gueti Athlete händ wo so veli Medaille gwönne möge eus die stuure Böndner e 8 Johr ned emol es Heimspeel gönne
|
| Vers 5 | |
 |
Euse Regierigsrot de Alex Hürzeler duet sech e neui Holzvilla poschte
aber ned öbbe be eus er Schwyz sondern z`Dütschland äne em Oschte d`Susanne Hochueli meint jo wenn de sis Hus os em Osland cha importiere jo den chan ich be mer dehei jo au Osländer iquartiere
|
| Vers 6 | |
 |
Ich ha z`Züri do sone Dame gfrogt es wörd mi no interessiere
wiso be dene neue Sexboxe do de Verkehr ned duet floriere drofabe het mer die Dame gseit das ganze esch doch e Schweinerey wie wotsch do öberläbe met dene paar Schneutz vo de Sittepolizey |
| Vers 7 | |
 |
Es riese Komplimänt vo mer liebi Brugger för euches Fescht „Best of Brugg“
tolli Beizli und tolli Musige do dänk ich gärn und lang no zrugg nor met em Bier em Müllerbräu also do händers ned ganz breicht 5 Chöbeli hani gsoffe am Fescht und 7 hani gseicht.
|
| Vers 8 | |
 |
Eusi Riniker Stemmbürger jo die gänd mer z`dänke
düend a de letschte Gmeindsversammlig d`Stüürerhöchig versänke en anbetracht vo dem Verdikt esch die Sach wohl gässe und ich chan au en Zuekonft bem Brunneplatz de Wiehnachtsbaum vergässe
|
| Vers 9 | |
 |
Nüt gäg de alti Gmeischrieber Jörg Hunn doch esch s`Niveau ich fends gedege
met sim Nachfolger Martin Maumary of eusere Gmeindskanzley gwaltig gstege das gsesch doch elei scho bem Metteiligsblatt s`haut di glatt os de Fuege det chasch jetzt nähmli näb em Tegscht au no Beldli aluege
|
| Vers 10 | |
 |
Fabienne Schori genannt „Faby“ du das esch e Frau met Pfeff
jo die het als Tamby eusi Gugge d`Opus-C-Voll im Greff nei die macht doch wörkli en super Job do düend er mer doch zuestemme drumm hani mech gfrogt wiso mer Schwyzer über d`Fabi no müend go abstemme
|
| Vers 11 | |
 |
Chörzlech säg ich zum Reinhard May los ich wott jo ned übertriebe
aber jetzt muesch eis vo dine Lieder doch tatsächlich neu schriebe well sed em 1. Januar das weiss sogar mini Mamme esch de Gärtner nümm de Mörder sondern euse Amme ond sed de Vehdokter au no metmesche tuet du ich fend das krass heists e eusem Gmeirot alles Ueli oder was
|
| Vers 12 | |
 |
Züri ond Aarau die hätte gärn e neus Fuessballstadion
und d`Herscheplatz-Muuser die hätte gärn es abhörsechers Telefon d`Lara Gut die hätti gärn es Ragusa als anderi esch`ere worscht onds Komedi-Team hätti zum Schluss gärn öppis gäg de dorscht |
|
Zugabevers 1
|
|
| Ohne Helgen |
Wäg erer Kanone en Penisform wo Konfetti duet useloh händ d`34er Höckler am Wendischer Umzug die roti Charte becho die hätte schiends scho dörfe teilneh doch esch leider s`Dummi d`Wendischer heige druf behart be eus nor mett Gummi Z`Brugg send`si ned so heickel gsi det het de Wage dörfe teilneh ond was esch passiert s`het en neue Zueschauerrekord geh |