 |
Willkommen auf der Homepage
des Komedi
und seinem Team
|
 |
|
|
|
|
Der Komedi 2012
|
|
| Vers 1 | |
 |
Jo er sammli för Griecheland seit de Fretz wo vormer steyt för Portugal ond Spanie au wenn das so witergeyt doch jetzt geuis dene Staate weder besser om d`Scholde wärd nömm gschleglet sed em Hildebrand si Frau dene ehri Finanze reglet |
| Vers 2 | |
 |
Als Schnetzelbänkler träte au höt weder uf das wetti euch zersch no verzelle
eusi Herscheplatzmuuser wonner scho ghört händ das send drey flotti Gselle ond den no mer vom Komedi-Team mer send 4 Persone ohni vakanz jo du ond dem säge mer Siebe denne konkordanz |
| Vers 3 | |
 |
Mer Schwyzer mer send jetzt alli sehr truurig wer mag eus das verdänke
well euse Liebling de Didier Cuche sini Schi tuet an Nagel hänke nor de Roger Federer de het gseit sin Röcktrett esch was wunderbares jetzt werdi de vellecht au weder emol einisch Sportler des Jahres |
| Vers 4 | |
 |
Nachdem de Xherdan Shakiri euse Kosovar met sine Tschutschueflosse
z`Basel d`Bulgare em Alleingang het 3 - 0 abgschosse meint d`Susan Hochueli ich wett mer chönnt öber all Osländer so positiv brechte jo den wörde ned emol die z`Bettwil of ehri Asylante verzechte |
| Vers 5 | |
 |
Vor ehrer erschte Setzig im Ständerot errt d`Pascale Bruederer planlos umhär
bes schliessli der Abwart vom Bondeshus chonnt ond frogt wos Problem wär drofabe het d`Pascale ganz ufgregt gseit sie fendi bem beschte Welle niene e dem Hus de Ruum wosi chönn ehres Baby stelle ond schliessli het si den no gmeint es wörd si no interessiere wo esch den eigentlech de Platz woni min Chenderwage cha parkiere ond wosi denne no Wendle aneschleppt ond das grad tonnewiis het si gseit nänei die send ned all för me öppis esch no för d`Ursula Wyss |
| Vers 6 | |
 |
Jetz wo d`Starchstromleitig en Bode muess send die vor Akut alli sehr froh
doch gsehn ich leider jetze scho s`nächste Problem wo werd cho dromm schlon ich vor das die jetz ame vor em schloffe düend d`Händ zämefalte ond bätted: liebe Hergott em Hemmel mach besoguet das die Leitig em Bode esch bevor si d`Akws abschalte |
| Vers 7 | |
 |
De Hugo Schmid vo de Brogger Konfettispalter het mer gseit es gäb em z`dänke
jetzt dörfe mer ned emol me eusi Wärbig ad Strosselampe hänke los Hugo ich cha met der metfüehle au ich ärgere me grüüsli well mer händ nähmli z`Rinike s`glich Problem be eusem Wooghüüsli |
| Vers 8 | |
 |
Eusi Fasnachtsplakette vo dem Johr fend ich die schönscht wommer je händ gha
doch leider esch es e Fäldschig wien ich erfahre ha es steui zwar drof „made in switzerland“ doch well das zvell tät choschte müessti eigentlech droffestoh „made in ferne oschte“ |
| Vers 9 | |
 |
A de letschte Wiehnacht do han ich mer öppis sehr nötzlechs Usdänkt
ich ha nähmli eusem Gmeindsarbeiter Viagratablette gschänkt die nemsch den hani zom Schär Rolf gseit s`nächscht Johr so ändi Novämber för de Wiehnachtsbaum bem Wooghüsli den het de ändli en rächte Ständer |
| Vers 10 | |
 |
Ond ich chätsche min Chätschgommi do lacht`mi es Meitli a
s`loht d`Wempere lo klempere ond frogt dörfi eine ha es wössi ned wo pfuse gings velech be der au do hani gseit los gang of Röfenach det suecht en Pur schiends no ne Frau |
| Vers 11 | |
 |
Als Grossrot do het de Jörg Hunn de Rücktrett geh efang
jo ond als euse Gmeischrieber do macht ers au nömm lang los Jörg wenn`d du nach diner Pangsion ned weisch wed sellsch dini Zyt vertriebe also ein wo so blödi Spröch macht we mer mögds a de Fasnacht do scho no liede |
| Vers 12 | |
 |
So nach em letschte Bank frog ich wie emmer ganz schüch ond ohni z`prahle
esch vellecht öpper do em Saal wo em Komedi ond sim Team eis wörd zahle den söll de doch bitte zom Büffet renne aber ächli flissig schliessli hämer be eus z`Rinike jo ned Tämpo drissig |
|
Zugabevers 1
|
|
| Ohne Helgen |
Do het doch Travail.Suisse en Idee ond hofft das sie eus gfalli dromm stemme mer jetzt dröber ab öber 6 Woche Ferie för Alli min Nochber het usgrüeft vo dene 6 Woche ben ich öpe gar kein Verehrer well de schaffet dörfsch drü mol rote jo genau als Lehrer |