 |
Willkommen auf der Homepage
des Komedi
und seinem Team
|
 |
|
|
|
|
Der Komedi 2011
|
|
| Vers 1 | |
 |
Au das Johr dörfed mer vor vollem Hus weder eusi Schnetzelbänk brenge dörf d`Liselott eusi Helge zeige und ich no d`Värs dezue senge er gsänd also mer s`Komedi-Team send s`läbige Bewiesmetel das mer au Erfolg cha ha ohni klaute Doktortetel |
| Vers 2 | |
 |
Em Altersheim seit de Hans zum Heiri s`esch scho fang allerhand
jetzt händ doch be eus em Bondesrot d`Fraue scho d`Oeberhand also hätte mer sinerzyt scho gwösst das die wänd d`Macht öberneh jo den hätte mer dene vor Vierzig Johr secher ned s`Frauestemmrächt geh |
| Vers 3 | |
 |
De De Weck de Chef vom Schwyzer Fernseh du de loht ned log
ond er holt nachem Baumann Frank au no de Roger Schawinski zrog also du wenn de so witermacht den hauts mi Mueter os de Fuege well den chasi e Zuekonft am Samstig Zobe weder de Teleboy luege |
| Vers 4 | |
 |
D`Schütze d`Jäger ond Patriote die säge gottseidank
au nach der Abstemmig do händ mer Schwyzer no eusi Waffe em Schrank hengäge meint mini Nochberi also du mer Schwyzer mer spenne ich för mini Bedörfnis ha höchstens emol de Pöschtler em Chaschte enne |
| Vers 5 | |
 |
Kenned er scho der Ondersched oder kenned er en noni
zwöschem Christian Constantin ond em Silvio Berlusconi jo also du wemmer erlech send de wächslet ganz em Vertaue der Einti glich schell sini Trainer wie der Ander sini Fraue |
| Vers 6 | |
 |
Euse Gmeirot heig schiends en Brief gschrebe ad Axpo Adrässe
also das met euchere Starchstromleitig das chönnd er jetzt ändgöltig vergässe well mer er Zuekunft euse Strom das wird euch zwar ned gfalle sälber produziere düend of em Dach vo der Turnhalle |
| Vers 7 | |
 |
Z`Rinike esch ein es Wasser gheit ond emmer tüfer gsonke
esch paarmol uftaucht ond het Wasser gschlockt jo de wer fascht vertronke bes en de schliessli grettet händ het er e Halbstond om Hilfe gschroue do meint ein vom Kanton glaub mer müend do no be dem Radwäg es Bröggli boue |
| Vers 8 | |
 |
Chenderlieder os de Schuelzyt vergesst me ned so schnell
ond wennd si den nochli modernisiersch jo den sends Höt no aktuell zom Biespel roti Rösli ossem Garte und Tannescht ossem Wald wenn jetzt de ned ändli de Musiktag chonnt jo den verwelke si bald
|
| Vers 9 | |
 |
Met de neue „Uniform“ das bestrittet kein Schwanz
do erstrahlt euses Fasnachtskomitee weder e neuem Glanz e dem Zämehang hät ich do no ne Frog an Höchste vo euser Regierig Gmeindamme a wellere Fasnacht machsch du ändli dini Neuuniformierig |
| Vers 10 | |
 |
Also du mer Riniker mer händ d`Köpf jo schwer lo hange well met eusere Stammbeiz do esches velli Johr nor abegange doch jetzt gots gottseidank weder ufe set em letschte Mai jo ond wer esch tschold dodra he dänk eusi Freunde from de Türkei |
| Vers 11 | |
 |
Ich chönnt mer jetzt no vorstelle das es euch langsam tuet stenke das ich am Schloss emmer so blöd Froge wer zahlt`is öppis z`trenke dromm schlon ich vor das mer de Värs för Hür emol vergässe jetzt wo Tannegg so guet chocht wette mer lieber öbbis z`Aesse |
|
Vers 12
|
|
| Ohne Helgen |
Wend z`Brugg ond hür de Konfettispalter tuesch en Sponsorbitrag schänke den dünds der ar Fasnacht als Dank deför en Fahne ed Altstadt hänke be eus z`Rinike goht das vell eifacher jo do muesch ned emol gross plane do brengsch s`Gäld der Opus e de Bar ond wend den heigosch hesch au e Fahne |
|
Zugabevers 1 |
|
| Ohne Helgen |
Wiso kritisiere eusi Medie eigentlech D`Schiefahrer so fescht nome well die lieber vierte send als of em Podescht ond was schriebes ächt den do vo mim Värs öber d`Schiewältmeisterschaft well de hets nähmli ned emol onder die erste 12 gschaft |