 |
Willkommen auf der Homepage
des Komedi
und seinem Team
|
 |
|
|
|
|
Der Komedi 2008
|
|
| Vers 1 | |
 |
Scho 25 Johr Opus-C-Voll eusi Gugge cha jubiliere do wet ich de Komedi als erschts natürli au gratuliere zom Jubiläum händ si e Cd gmacht met erne neuschte Hits damets em nächschte Johr en Nachfolger för de Schacher Seppli gits |
| Vers 2 | |
 |
Wir wollen sein ein einig Volk von Brüdern schwöre lut ond dütli
sinerzyt 1291 drü Männer of em Rütli doch set em letschte 1. Auguscht do esch das Schnee von gestern sed det heissts leider wir wollen sein ein einig Volk von Schwestern |
| Vers 3 | |
 |
Eusi Politiker en Bärn die söll no eine kapiere
d`Zigarette wänds verbüte ond de Joint legalisiere also du wenn die so witermached das esch s`paradoxe denn chonnt no die Zyt wo d`Martina Hingis ganz legal darf kokse |
| Vers 4 | |
 |
Woni enere Dütsche Metzgerey chörzlech ha Schoffleisch kauft
do seit de Metzger no zu mer ich säg der grad wes be eus lauft mer mache em Fall de be eusne Schof nome das es weisch kei Ondersched zwösche schwarz ond wies be eus esch beides Gammelfleisch |
| Vers 5 | |
 |
D`Fusion vo de Füürwehre Brugg ond Wendisch die esch ed Hose natürli
well en jede vo dene zwe wot halt no sis eigete Füürli ond jetzt send die stuure Sieche wahrschiends scho am rötle wer den a sim Füür no dörf die letschte Servelats brötle |
| Vers 6 | |
 |
Eusi Höchste Zwe vo der Svp lueg emol die send jo au do
jo velle Dank Ernst Obrist ond Jürg Hunn das er höt Zobe send do an echo ich fend das super megageil scho fascht e Sensation well ich ha nähmli scho angst gha er siged au e der Oposition |
| Vers 7 | |
 |
Be eusem Lade em Neuquartier esch es eines Tages gscheh
ond mer het vor luter Urwald de Igang nömme gseh jetzt esch es weder suber det wie neu gseht er us de Schoppe do händs aber ganzi Arbet gmacht eusi neu Naturschotzgroppe |
| Vers 8 | |
 |
Liebi Akw Gegner was er au schnöred för mech esch das paperlapapp
ohni zuesätzlichs Atomkraftwärk werd euse Strom scho gli emol knapp well de Pfus du vo eim some Akw das esch mini Befürchtig brucht nor scho ein elei am Selanderwäg för sini Wiehnachtsbelüchtig |
| Vers 9 | |
 |
Wosi zwösche Cherchacker ond Broggerwald d`Iezohnig vor düend neh
do hani dänkt das werd secher einisch det en super Oeberbouig geh aber so wenn ich das jetze gseh do bruchi kei Brölle vom Blösser do wärde jo nor vo de Schrebergärte d`Höttli ächli grösser |
| Vers 10 | |
 |
Bem letschte Arztbsuch het mer min Dokter gseit ich heig no fasch kei Beschwärde
ond met mim Fettvorrot won ich heig wörd ich secher honderti wärde was nomme honderti hani zuenem gseit potzts mech scho so gleitig denn ben ich jo ehner onderem Bode als eusi Starchstromleitig |
| Vers 11 | |
 |
Remige Brogg Zentrom Lee en Autofahrer dreyht set Stonde
Remige Brogg Zentrom Lee e eusem Chreisel sini Ronde Remige Brogg Zentrom Lee ond den schloht er Krach jo wenn chonnt jetz ändli gottfredstotz de Wägwieser nach Röfenach |
| Vers 12 | |
 |
So nach mim letschte Bank hätti weder Dorscht ond es wört mech dromm intressiere
wer ächt höt Zobe de Muet ufbrengt ond mer eis duet spändiere also mälded euch bitte bem neue Wert de Roland Kaiser hets Buffet offe doch bstelled ned grad 7 Fässer Wein sosch beni nochär weder bsoffe |
| Zugabevers 1 | |
| Ohne Helgen |
D`Rämi Claudia wo am Schulrain wohnt die tuets ziehmli frustriere das eine wäg erne graue Cheselstei em Garte tuet reklamiere wart du nome het si dänkt jetz gebi no eine döre ond den betoniert si em Obelix sin Henkelstei no vor Töre |