 |
Willkommen auf der Homepage
des Komedi
und seinem Team
|
 |
|
|
|
|
Der Komedi 2005
|
|
| Vers 1 | |
 |
Da mer hüür z`3. höch Juhubiläom händ han ich mer gseit ich wett
das eusi Fasnacht gross e de Schlagziele chonnt so das mer lang no dröber redt dromm brüchti jetz ein vom Kulturverein wo sech ned tuet schiniere ond eifach so tät als wördi er de Helge met Urin markiere |
| Vers 2 | |
 |
Wo de Papscht ed Schwyz esch cho frog ich en wohnen gseh
du Päuli wiso esch dis Papamobil eigentlech met Glas omgeh jo weisch das esch e reini Vorsechtsmassnahm duet er mer entgägne för de Fall dasi onderwägs seti em Alex Frei begägne |
| Vers 3 | |
 |
Em Dütsche osse düend d`Schiedsrechter ond au d`Fuesballspeler wette
welli Mannschafte das gönne müend ond welli das verlüüre sette ond jetz hani ghört du be eus er Schwyz heiges au scho met wette aagfange welli Mannschafte tschutte em Früehlig no ond welli send konkurs gange |
| Vers 4 | |
 |
Wenn d`Kassierin em Migro es Chopftuech treit do hani doch nüt degäge
Problem hani aber den demet wenn si afoht komisch tue deswäge do seit doch sone Kassierin zo mer em Migro onde z`Brogg äntwäder gönzi jetz ane anderi Kasse oder düend s`Schwiensfleisch weder zrog |
| Vers 5 | |
 |
Wohni chörzlech z`Brogg onde wot es Poschtauto iestiege
do foht for mer ein a es Näscht ond en Wohnwand en Bus iebiege wohner den no en Tesch brengt ond 4 Stüehl do frog ich en ganz kess dörfi drüü mol rote sie send eine vom Vcs |
| Vers 6 | |
 |
Er onde do em Städtli Brogg hani ghört düeged lamentiere
well`me euche Stötzponkt düeg zonere Dorffüürwehr degradiere er fänded das e Schweinerey ond siged total fruschtriert gsänder jetz das chonnt devo wemmer met Umike fusioniert |
| Vers 7 | |
 |
Chörzlech ghöri em Zentrom Lee wiene en alti Frau duet bäte
Hergott wiso trett de Item Manfred zrog er esch doch so en nätte drofabe hani die Frau den tröschtet es brengt jetz nüt wend weinisch well trett euse Gmeindamme s`erscht mol zrog denn chonnt er ame no einisch |
| Vers 8 | |
 |
Es Seifecheschterenne en Rinike jo das fend ich de Hit
ond ich ha de Plausch das es e eusem Dorf no inovativi Persone git nor müessti mer jetz no das Ganzi do met eme geile Name benenne ond do hät ich doch au scho en Vorschlag we wärs met Lauperhornrenne |
| Vers 9 | |
 |
Damet de Gmeirot weniger Aerger hät wörd ich ehn gärn bitte
mache mers z`Rinike doch we Schwyz Aktuell ond gönd zrog e Gotthälfs Zyte denn hätte mer no kei Starchstromleitig au de Chreisel miech eus ned betroffe jo ond jetze chonnt no de Bescht de Hersche wäri no offe |
| Vers 10 | |
 |
Das me vo Röfenach ond Remige här nömm of Rinike ie cha rase
boue mer jetz a de Dorfigäng so Ensle zmetzt ed Strasse das sig e sogenannti Ifahrtsbräms wemer a de Gmei erfahrt oder wies of zöridütsch jetzt heisst die kröpfti Nordiifahrt |
| Vers 11 | |
 |
Min Jubiläomsuftrett esch jetz verbie dromm wetti euch no orientiere
das mer jetz öpper gäg de Dorscht set e Fläsche Wodka spändiere ond han ich denn die Fläsche gleert sing ich dann russisch für die Rest ond gehe nächstes Jahr für die Schweiz an den Eurovision Song Contest |
| Vers 12 | |
 |
Also wer nach 20 Johr Schnetzelbänk de Komedi wet witer erläbe
de söll das doch bitte jetz bezüege dor Hand erhäbe doch er wärded secher Verständniss ha wenn ich of die Abstemmig pfiffe well secher weder ergendein s`Referändom werd ergriffe |
| Zugabevers 1 | |
| Ohne Helgen |
Em Ulrich Gygi sini Poscht die chonnt ned zor Rue me streickt ond me stricht Arbetsplätz ond me macht Poschtstelle zue jo chönntis sogar mögli si das si au eusi Poscht iespare ha nor tänkt well euse Poschthalter jetz no afoht Taxi fahre |
| Zugabevers 2 | |
| Ohne Helgen |
Woni d`Chöschte gseh ha vom Strossebou frog i de Item voller entsetze du Manfred müemmer em Onderdorf wörkli all Wasserleitige ersetze jo seit de Manfred das muess leider si die Leitige gsänd schlächt us sosch hämmer plötzli gliech vell Wasserfontäne wie die z`Bärn vorem Bondeshus |
| Ich wäri denn nome so zom säge wenn’s öpper intressiert
de Löli wo zom Jubiläom d`Mählsoppe offeriert |
|