 |
Willkommen auf der Homepage
des Komedi
und seinem Team
|
 |
|
|
|
|
Der Komedi 2004
|
|
| Vers 1 | |
 |
A de letschte Fasnacht jo do hani mech bös blamiert do han ich doch euse Gmeschti Chor scho zom Tod protokoliert ich entscholdige mech drom e aller Form das er no senged esch wonderbar ond es tönt ersch no besser als be dene em MusicStar |
| Vers 2 | |
 |
En Swiss Pilot stoht met sim Flüger z`Klote a de Startplanke
do rüeft en Arbeiter hey flüeg noni ab mer müend den zersch no tanke nei ich bruch e kei Sprit seit de Pilot ich flüg höt ohni Motor dors Gländ well hend ene hocked alls Zörcher wo kei Floglärm wänd |
| Vers 3 | |
 |
Ofs Neujohr het d`Post weder ufgschlage be de A ond B Post Sache
doch die chönnd mech jo dodemet ned wörkli verrockt mache well wenn ich jetz för en B Post Brief 15 Rappe muess meh uftriebe denn duenni eifach för 15 Rappe au meh en Brief ieschriebe |
| Vers 4 | |
 |
D`Svp die seit ganz klar de Chrestoph oder keine
d`Cvp seit mer phalte beid Setz ond gänd de Fdp nomme eine d`Fdp die seit met em Blocher d`Sp ond die Grüene säged ohne jo so het vor de Bondesrotswahl jede so sini Visione |
| Vers 5 | |
 |
Also das met eusne Schiefahrer das wot mer ned en Grend
das die met erne alte Azög weder schneller send jo wenn das stemmt den legg ich jetz wenn es schnell muess ga bem Gschlächtsverkehr öber mis Beschte Stöck au en alte Azog a |
| Vers 6 | |
 |
Ob Iiseschrott oder Holzchlötz oder Eisibetonhalle
jo ergendwie do müend die z`Brogg eifach emmer uffalle ond jetze wot doch scho weder ein met sine Sommervögel aastenke doch was send scho demm sini paar Vögel gäge eusi Bärgfenke |
| Vers 7 | |
 |
Chum esch euses Jubiläumsjohr verbie er wärdeds ned ahne
do duet doch eusi Schuelpfleg scho s`800 jährige plane well demol de het Präsidäntin gseit sige si lieber z`früeh als z`spot damet e 50 Johr de Henderscht ond Letschti au weiss wo de Omzog dore goht |
| Vers 8 | |
 |
Bem Strossebou sinerzyt het euse Gmeirot falsch programiert
sosch hätter statt de Oberdorfstross zersch Dorfsteig saniert den hätte mer det die Bsetzistei wos nömm brucht das chaschter dänke occasion no zom halbe Pries de Brogger Altstadt chönne schänke |
| Vers 9 | |
 |
Es paar nätti Wort so vo Dorf zo Dorf ond scho esches passiert
d`Gmeinde Stelli ond Vellige die händ zäme fussioniert ond jetz hani ghört das die z`Röfenach met eus fusionire wänd well mer schiends do en Rinike die besser Busverbendig händ |
| Vers 10 | |
 |
43 Johr chrampfe för d` Ferma Treyer Chappeau Amsler Franz
no so röschtig ond scho pangsioniert ergend öppis stemmt do ned so ganz jo allso wenns`der de Heime langwillig esch du de gang doch of Gmei go frage öb`s no ein bruched wo pecklet ond schuflet bem nächschte Wasserleitigsschade |
| Vers 11 | |
 |
Mer händ e eusem Dorf Persone die send eifach genial
do gönnt doch en Riniker Zauberer z`Arosa s`Humorfestival wo de Präsi vo de Akut das ghört esch er grad zuenem grönnt ond hetten gfrogt öb er ned eusi Starchstromleitig en Bode ie zaubere chönnt |
| Vers 12 | |
 |
A de letschte Gmei öberchonnt s`erschte mol z`Rinike ein en Orde
för sini grosse Verdienscht esch de Dr.Martin Vögtli Ehrebörger worde jetz benni aber wörkli gspannt welle Pris ich en Empfang neh cha wenni s`nächste Johr als Komedi mis 20 Jährige ha |
|
Zugabevers 1
|
|
| Ohne Helgen |
Walliser Wälschi ond Oestricher jo du allesamt jo die düend sech striete wohär de Raclette Chäs äch stammt jo ich froge jetz ganz blöd jo ich be so frey chonnt denne de Raclette Chäs ned vo de Chäserey |
|
Zugabevers 2
|
|
| Ohne Helgen | Peoples in Wallise in Waelsch auch ond von Austria
streit haven voun Raclettcheese kommt you wohier ja ich jetz gefragt ein wenig bled ich understand not nei Cheese nicht jetz immer gekommen von die Cheeserei Also wenn er das ned verstande händ denn duen ich euch d`Lösig brenge so tönt de Värs vo vori wennen die neui Miss Schweiz wörd senge |