 |
Willkommen auf der Homepage
des Komedi
und seinem Team
|
 |
|
|
|
|
Der Komedi 2003
|
|
| Vers 1 | |
 |
Ich ha em Chef vor Novartis em Vasella onder d`Nase grebe die 20 Milione woner verdieni die fänd ich öbertrebe of de erscht Bleck gsäch das nach vell us seit er mehr ohni z`prahle aber schliessli müessi er dervo no d`Krankekasse zahle |
| Vers 2 | |
 |
D`Bärner sige langsam ond träg ich ha festgstell das esch glooge
wärend mer d`Stemmzeddle vo Hand no zelle wärde si det scho gwooge ond wenn mer de fang knapp e de Helfti send händ die scho s`Ändresoltat öbercho 2,3 Tonne stemmed nei ond 1 Tonne die stemmt jo |
| Vers 3 | |
 |
Euse Ex Botschafter de Thomas Borer het em Bleck Schlagziele gmacht
well er angeblech met ere Frau het en Autonommere gmacht be de neue Bondesrötin Calmy-Rey chiem secher nie so en Schlagziele use well wele Maa du got den scho metere Grossmueter go schmuese |
| Vers 4 | |
 |
Bem "Bsuech en" am Fernseh seit d`Zimmermaa s`esch öppe es halbs Johr zrogg
nach der Altstadtsanierig do pelgere de e huffe Lüt of Brogg woni das ghört ha du do hani gseit send die z`Brogg ned ganz bache jä wänd jetz die osem Tote Hus no es Chloster mache |
| Vers 5 | |
 |
Zersch d`Schweisskulptur ber Migrochrüzig den de Fesch be der Kasärne
wiener wössed düend die z`Brogg för Iiseschrott schwärme jo du ond jetz hani ghört das muesi euch verzelle das si onde det bem Wasserschloss de Monolith no zmeztine stelle |
| Vers 6 | |
 |
Wod Urner s`letscht Johr ehre Schnee es Dütsche händ exportiert
jo do het euse Gmeindsarbeiter bletzschnell reagiert ond er lütet au grad of Uri a Sie händer no nöime en Räschte well sosch chömmer be eus z`Rinike s`neu Gmeifahrfzüg ned teschte |
| Vers 7 | |
 |
750 Johr Rinike s`goht ab wiene Ragete
met em Fil rouge dors ganzi Johr ond em Auguscht de Mega Fete Jubel Trubel Heiterkeit es Füürwärch no dernäbe s`einzig trurige esch dra de Gmescht Chor darf das nömm erläbe |
| Vers 8 | |
 |
Wenns z`Rinike setti mögli si d`Starchstromleitig en Bode z`verlegge
jo den hoffi aber schwer die vo de Akut düege das tschegge ond stelle rächti Handwärcher a au wenns bez me duet choste ned das es de we a de Röfenacherstross Muure get wo roschte |
| Vers 9 | |
 |
Ich weiss liebe Gmeirot er händs guet gmeint ond eigentlech sett`me euch lobe
das er die 2 Bäumli händ setze lo do em Hersche obe nor müend die jetz leider weder ewäg das chani garantiere well die z`Aarau obe jo neuerdengs kei bruni Stämm meh akzeptiere |
| Vers 10 | |
 |
Osserdem het de Gmeirot en Idee wo wörkli super esch
er rüft eus Riniker vo Zyt zo Zyt zom "Gespräch am runden Tisch" ond s`erschte Thema e der Tannegg hani au scho erfahre s`lutet wie tuet mer als Riniker onfallfrey Schyfahre |
| Vers 11 | |
 |
Letschthen stoht em gäle Blatt wie fascht alle Jahre weder
s`Riniker Fasnachtskomitee suecht neue Metgleder nor das Johr esch es no vell schlemmer seit em Steiger Roli si Frau hür do sueche mer ned nome met Gleder dere ohni sueche mer au |
| Vers 12 | |
 |
Mer händ scho es Glöck met eusne Werte ich glaub das dörfi säge
au de neui chochet guet ond het gäg d`Fasnacht nüt degäge dromm velle dank euch Dani Marleen ond Claire das er d`Tannegg händ öbernoh ond wenner jetz em Komedi eis zahled de benni s`nächst Johr weder do |
|
Zugabevers 1
|
|
 |
20. Johr scho voll debie d` Opus öberchonnt vo mer en Orde jo eusi Riniker Tschättermusig sig e de letschte Johre besser worde händ`si früehner gseit wänder wörkli no eis Speele das muessmer eifach gseh säge si höt d`Opus esch die beschti Gugge zwösche Röfenach ond Umike |