Website_Design_NetObjects_Fusion

k-IMG_7206_geschn.5%

Willkommen auf der Seite des

 

Komedi und seinem Team

k-helge11 1
[Home] [Die Fasnacht 20] [Das Plakettenkogo 20] [Das Programm 20] [Die Helgen 20] [Presseberichte 20]

 

 

Der Komedi 2020

 

 

Vers 1

k-helge 20 1

Nach eim Johr Pause do wet ich euch höt Zobe weder begrüesse

s`letscht Johr han ich chrankheitshalber leider ussetze müesse

defür fehlt hür mis ganze Team alli drü händ leider abgseit

gsänder so funktioniert be eus usglichendi Gerechtigkeit

 

Vers 2

k-helge 20 2

De Neymar stoht wenn er ned grad liet uf em Fuessballplatz

de Simi Ammann stoht am Schanzetesch und macht denn en chline Satz

d`Martina Hingis stoht jetzt uf de Stross met eme Chenderwage das ahni

und d`Lara Gut die stoht im Winter uf de Schii und em Sommer uf de Behrami

 

Vers 3

k-helge 20 3

No Rytz no fun heissts be de Grüene wosi d`Wahle händ gwonne gha

und ich träte drumm seit d`Regula Rytz  zu de Bundesrotswahle a

und wenn er mech ned wähle tüend droht das sälbstbewusste Wäse

jo de chonnt euch wie am Klimagepfel d`Greta cho d`Levite läse

 

Vers 4

k-helge 20 4

Er nöchi vom Hallwilersee send 2 Puure so rechtig am tobe

jo do het doch wäg erne Folietunnel d`Pro Natura Isproch erhobe

debie heigesi doch händ die Puure gseit die Tunnel numme welle benütze

damet si eri Aprikosebäum chönd vorem Kaiman schütze

 

Vers 5

k-helge 20 5

Chürzlech beni er Brugger Altstadt e Shoppingtour go mache

i ha dänkt es heigi ned nor em Neumärt es paar hübschi Sache

doch zum chaufe hets leider nüt rächts gha jo du das esch s`miese

deför chom ich us jedem Lade met ere neue Friese

 

Vers 6

k-helge 20 6

Bem Spatestech do verzelt is de vo de Swissgrid lang und breit

wiemer jetzt do die Starchstromleitig en Bode ihne verleit

chum het de sie Asproch de fertig gha frogt en euse Gmeindamme denne

du säg emol funktioniert de Treck au met ere Handyantenne

drufabe seit de de flotti Maa jo du aber secher doch

wa meinsch wiso bohrt jetzt de scho gli d`Nagra im Chräntel es Loch

 

Vers 7

k-helge 20 7

Met em Golfplatz und em Thermalbad vo Schinznach jo was sprecht do degäge

chasch de Stadt Brugg nach de Fusion fascht scho Kurort säge

sie müsste jetzt nor no vom Bruggerbärg bes is Eisi abe welle

met eusne alte Starchstromleitigsmaschte e Seilbahn go anestelle

 

Vers 8

k-helge 20 8

Jo wer het eigentlich em Riniker Wald umsverecke welle

das mer en Elsbeer- und en Duglasiebaum under Schutz duet stelle

e so en Seich ich sägs euch grad chan ich ned understütze

euse Wiehnachtsbaum met de neue Belüchtig de hät mer selle schütze

 

Vers 9

k-helge 20 9

Au wenn ich nor us em Aargau chomm wett ich d`Basler Fasnacht mol lobe

sigs wäg em Cortège de geistriche Schnetzelbänk oder de Gugge am Zischtig Zobe

doch öppis regd`mi das Johr tötlich uf ich chas fasch ned verdaue

gönd die doch eifach jetzt „heb di fescht“ eusere Gugge gos Motto chlaue

 

Vers 10

k-helge 20 10

Vor 20 Johr do duet z`Rinike en Güggelchrieg Schlagziele mache

jo und s`letscht Johr sorged eusi Freaks das mer öber das Theater chönnd lache

und s`nächscht Johr gäbs schiends no e Fortsetzig ich fend das grandios

jo und säb Stück das heisi de de Chrieg a de Herschestross

 

Vers 11

k-helge 20 11

Er kennt sech us met grosse Lastwäge und mit Gäld als Vereinskassier

er esch Kampfrechter be de Liechtathlete und trenkt gärn am Stammtisch es Bier

ond er het sogar no Erfahrig als Pfarrer als Komissar und Polizescht

so jetzt weisch wiso de Siegrischt Ueli euse neui Gmeirot escht

 

Vers 12

k-helge 20 12

S`goht weder ufwärts met eusre Tannegg s`Aesse top s`Personal 1 A

doch fende es paar es seti no e flotti Serviertochter ha

doch ich fends cool das e dem Lokal nur Männer düend serviere

den chani nämli au den eis go zieh wenn d`Fraue düend demonstriere

 

Zugabevers 1

Ohne Helgen

 

Psst psst psst psst psst psst psst psst psst psst psst psst

psst psst psst psst psst psst psst psst psst psst psst psst

über die alte Bundesröt und Kripto Affaire do hätti au no ein

doch de dörfi leider ned brenge well de esch sträng geheim

 

 

Zugabevers 2

Ohne Helgen

 

Jo für mini Ushelfshelgezeigeri wär jetzt zum Schluss en Applaus abracht

well die het das wie ned andersch erwartet würkli super gmacht

und goht drumm  jetzt be eusere Riniker Fasnacht sicher ie ed Annale

drumm getz vo mer jetzt do es chlieses Gschänk und er chönd ehre eis zahle

 

 

Helge 11 im Rohbau. Noch nicht ausgemalt

 

k-IMG-20200223-WA0028

 

Home   News   Die Fasnacht 20   Fasnachtshistorie   Das Komedi Team   Zeddel Archiv   Riniker Fasnacht   Fotoalbum   Der Ursprung   Links   Riniken Aktuell   Hommagen an   Impressum